Am gymorth ar unwaith ar unrhyw adeg, ffioniwch ni ar 03300 564456 (24 awr)
Os ydych yn meddwl am adael camdriniwr, gallwn eich helpu i ddeall eich opsiynau a gwneud cynllun.
Nid yw cynllunio am adael yn golygu bod yn rhaid i chi adael ar unwaith – neu o gwbl. Ond efallai y byddai’n ddefnyddiol gallu ystyried yr opsiynau i gyd a meddwl sut y gallech oresgyn yr anawsterau dan sylw.
Yn ogystal â chael cymorth, efallai y byddwch am ystyried:
Os yw’n ddiogel ei wneud heb sylw eich camdriniwr, cadwch fag gyda rhywfaint o arian parod, dogfennau pwysig (gan gynnwys tystysgrifau geni, pasbortau, tystysgrifau priodas, dogfennau tenantiaeth/morgais/car, dogfennau adnabod, rhif yswiriant gwladol, trwydded yrru), set o allweddi, rhai dillad (i chi/eich plant), unrhyw feddyginiaeth, gwefrydd ffôn a rhifau argyfwng. Gellid cadw hwn yn ddiogel yn nhŷ cymydog neu ffrind, fel y gallwch adael ar frys a chael eich hanfodion o hyd.
Meddyliwch am arferion eich partner a dewiswch amser diogel i adael eich cartref. Ystyriwch ble y bydd, a chynlluniwch lwybr diogel. Ceisiwch sicrhau bod gennych eich allwedd eich hun i’r tŷ a chadwch ychydig o arian yn ddiogel ar gyfer tacsis neu docynnau bws, a galwadau ffôn.
Ystyriwch sut y byddwch yn casglu pethau a all fod yn werthfawr i chi/eich plant, os gallwch wneud hynny’n ddiogel, e.e. hoff deganau a dillad, lluniau, gemwaith.
Os oes gennych blant yn yr ysgol, gwnewch yn siŵr bod y pennaeth a holl athrawon eich plant yn gwybod beth yw’r sefyllfa, a phwy fydd yn casglu’r plant yn y dyfodol.
Gallai hwn fod yn gartref i ffrind neu aelod o’r teulu y gallwch ymddiried ynddo, ond gwnewch yn siŵr nad yw’ch camdriniwr yn gwybod y lleoliad. Neu efallai yr hoffech fynd i loches. Fel menyw sy’n dianc o gam-drin domestig, gallwch geisio am gyngor tai o unrhyw awdurdod lleol hyd yn oed os nad ydych yn byw yn yr ardal leol.
Mae’n bwysig meddwl am yr holl ffyrdd y gallai’ch partner ddarganfod ble rydych chi. Er enghraifft, os ydych yn meddwl y gallai eich partner gyrchu eich ffôn neu eich negeseuon, gallwch ddefnyddio ffôn ffrind i wneud trefniadau i adael, neu brynu ‘burner phone’ rhad. Yn yr un modd efallai y bydd angen i chi ddileu unrhyw chwiliadau ar eich hanes rhyngrwyd sy’n ymwneud â chwilio am gefnogaeth. Dylech hefyd ddiffodd unrhyw osodiadau canfod lleoliad ar eich ffôn. Gallwch ddod o hyd i ragor o awgrymiadau ar gadw eich technoleg yn ddiogel ac i leihau’r risg o olrhain yma.
Gall y cynllun diogelwch hwn eich helpu os ydych yn meddwl am adael. Gallwch neu lawrlwytho, cadw neu argraffu. Os byddwch yn lawrlwytho, cofiwch wneud hynny’n ddiogel a sicrhewch na all eich camdriniwr gyrchu’r wybodaeth hon.
Gallwch argraffu’r ddogfen hon a’i rhoi i ffrind neu aelod o’r teulu y gallwch ymddiried ynddo i’w chadw’n ddiogel os ydych yn byw gyda’ch camdriniwr.
Gall ein staff cymorth gynnig cyngor drwy 03300 564456 yn ystod oriau swyddfa (Llun-Gwen 09:30am-04:30pm). Y tu allan i oriau swyddfa, gellir defnyddio ein rhif ffôn i gyrchu gwybodaeth a chyngor mewn argyfwng.
Gofynnwch am alwad yn ôl o’n tîm gwasanaethau cymorth yn eich ardal
Rydym yn cynnig amrywiaeth o wasanaethau cymorth i oedolion a phlant sydd wedi cael profiad o gam-drin domestig neu drais rhywiol.
Cofrestrwch nawr os hoffech gael y newyddion a’r mewnwelediadau diweddaraf gan Cyfannol!