Am gymorth ar unwaith ar unrhyw adeg, ffioniwch ni ar 03300 564456 (24 awr)
Am gymorth ar unwaith ar unrhyw adeg, ffioniwch ni ar 03300 564456 (24 awr)
Mae Gwent BOOST yn brosiect aml-wasanaeth newydd sy’n gwasanaethu Casnewydd, Torfaen, Caerffili, Sir Fynwy a Blaenau Gwent. Mewn digwyddiad ym Marchnad Casnewydd ym mis Tachwedd, bu’r fenter a ariennir gan y Loteri yn dathlu gwerth arbenigedd bywyd er budd menywod sydd â sefyllfaoedd bywyd cymhleth, pobl nad oes ganddynt hawl i gyllid cyhoeddus a phobl nad oes ganddynt fynediad at gyfleoedd i feithrin sgiliau na chael gwaith.
Mae Gwent BOOST yn bartneriaeth sy’n ceisio ‘Adeiladu ar ein Cryfderau Gyda’n Gilydd’. Mae’r prosiect pum mlynedd yn rhan o Grant Helpu i Roi Diwedd ar Ddigartrefedd Cronfa Gymunedol y Loteri Genedlaethol ac mae’n cynnwys y sefydliadau Cymreig canlynol:
Mewn digwyddiad lansio i fyny’r grisiau ym Marchnad drawiadol Casnewydd, daeth 85 o bobl o 23 o sefydliadau at ei gilydd ddydd Iau 16 Tachwedd. Ond eisoes, mae Gwent BOOST wedi cychwyn ar y gwaith ar unwaith.
Y fenter gymdeithasol sy’n cael ei rhedeg gan bobl sydd â phrofiad bywyd: Mae BOOST yn datblygu’r syniad o fenter gymdeithasol sydd wedi’i chydgynhyrchu, gan greu ffrwd swyddi hyfyw i bobl sydd â phrofiad uniongyrchol o ddigartrefedd neu galedi. Mae 12 o bobl eisoes wedi bod yn gysylltiedig â’r gwaith o gyd-ddylunio gweithgareddau sy’n gysylltiedig â Gwent BOOST gyda The Wallich.
Rhaglen Cynghori Cyfoedion wedi’i Thargedu: Nod y prosiect yw rhoi diwedd ar ddigartrefedd yng Ngwent i fenywod sydd wedi bod drwy sefyllfaoedd cymhleth mewn bywyd dros gyfnod o bum mlynedd. Gan gynnig hyfforddiant a lleoliad â thâl i’r rheini sy’n cael gweithio. Mae BOOST wedi datblygu rhwydwaith o gyflogwyr yn y sector cyhoeddus a’r sector preifat sy’n gallu ac yn barod i ddarparu lleoliadau i’r rheini sy’n mynd drwy’r rhaglen.
Mae 3 o fenywod wedi cwblhau’r cwrs ‘Dysgu Cynghori’ gyda St Giles; dyma’r drydedd garfan o bobl sydd wedi rhoi hwb i’w sgiliau. Dywedodd un cyfranogwr, “Mae gen i fwy o hyder ac uchelgais i symud ymlaen gyda fy nyfodol” ar ôl gwneud y cwrs.
Rhwydwaith Eiriolwyr ar gyfer Landlordiaid a thenantiaid: Mae’r model Hyrwyddwyr yn darparu llwyfan ar gyfer datblygu arferion da yn y sector a sicrhau canlyniadau mwy cadarnhaol i’r holl randdeiliaid. Mae Hyrwyddwyr Landlordiaid a Thenantiaid Gwirfoddol o’r sector cyhoeddus a’r sector preifat yn gweithio gyda’i gilydd i ddatblygu mentrau ar y cyd.
Mae Tai Pawb eisoes wedi darparu pedair sesiwn galw heibio lle bu dros 50 o bobl yn cymryd rhan, ac mae hefyd wedi cynnal tri digwyddiad i landlordiaid, gyda chyfanswm o 225 o bobl yn bresennol ar draws y digwyddiadau.
Cefnogaeth seicoleg glinigol ledled Gwent: Bydd adeiladu cefnogaeth seicolegol clinigol ar gyfer staff cymorth digartrefedd, wedi’i ategu gan arferion da gan dimau Grant cymorth tai Caerffili, yn sicrhau gweithlu cadarn a hirdymor sy’n delio â phwysau a galw cynyddol. Mae 20 o bobl eisoes wedi cael cynnig cymorth seicolegol gan Fwrdd Iechyd Aneurin Bevan. Yng Nghasnewydd a Chaerffili, mae 43 o staff a defnyddwyr gwasanaeth wedi mynychu sesiynau galw heibio.
Rhaglen wirfoddoli ar gyfer pobl nad oes ganddynt hawl i gyllid cyhoeddus: mae Cyngor Ffoaduriaid Cymru wedi cofrestru 8 mudiad a fydd yn derbyn ceiswyr lloches a ffoaduriaid fel gwirfoddolwyr. Maent wedi hwyluso lleoliadau gwirfoddoli sy’n defnyddio’r sgiliau sydd gan bobl yn barod, fel cyfieithu ar y pryd, cyfieithu, gofalu am blant ac addysgu, sgiliau y mae gwir eu hangen i lenwi bylchau sgiliau’r ardal.
Dywedodd Sam Taylor, Rheolwr Gwent BOOST, o brif bartner y prosiect The Wallich, “Dydy Gwent BOOST ddim yma i gymryd drosodd gan sefydliadau sy’n gwneud gwaith gwych. Y nod yw dod â phawb at ei gilydd i weithio ar y cyd, rhannu syniadau a chreu cyfleoedd i bobl ddefnyddio ein gwasanaethau i lywio’r hyn sydd ei angen arnynt.
“Rydyn ni eisoes yn gweld diddordeb ardderchog a phobl yn symud i ddyfodol mwy cadarnhaol. Wrth i ni weithio gyda mwy o unigolion i hybu eu sgiliau a’u lles, rydyn ni’n lleihau’r tebygolrwydd y bydd pobl yng Ngwent yn colli eu cartrefi neu’n teimlo’n ansicr am eu dyfodol.”
Mae BOOST yn brosiect pum mlynedd a ariennir gan Gronfa Gymunedol y Loteri Genedlaethol fel rhan o grant Cymorth i Roi Diwedd ar Ddigartrefedd gwerth £10 miliwn. Lansiwyd y grant gyda’r nod o atal a mynd i’r afael â digartrefedd, gan ei wneud yn beth prin, byrhoedlog nad yw’n digwydd dro ar ôl tro.
Rhagor o wybodaeth am brosiect Gwent BOOST: https://thewallich.com/cy/gwasanaethau/gwent-boost/
Cofrestrwch nawr os hoffech gael y newyddion a’r mewnwelediadau diweddaraf gan Cyfannol!