Am gymorth ar unwaith ar unrhyw adeg, ffioniwch ni ar 03300 564456 (24 awr)
Am gymorth ar unwaith ar unrhyw adeg, ffioniwch ni ar 03300 564456 (24 awr)
Darperir rhaglenni mentora gan Cymorth i Fenywod Cyfannol yn Sir Fynwy a Thorfaen, fel rhan o raglen a ariennir gan BBC Plant mewn Angen, ac ym Mhlaenau Gwent a Chasnewydd fel rhan o’r prosiect Ar Trac.
Mae’r rhaglenni hyn yn dibynnu ar wirfoddolwyr, sy’n ymrwymo i ddwy awr yr wythnos i fentora plant 5-11 oed ar sail un i un, gan eu cymryd allan unwaith yr wythnos am flwyddyn am rhwng dwy a phedair awr. Bydd mentoriaid yn cael eu paru gyda phlant yn seiliedig ar eu diddordebau, sgiliau a phersonoliaethau.
Mae’r plant sydd wedi’u hatgyfeirio i’r rhaglenni hyn wedi bod yn dystion i gam-drin domestig yn ystod eu bywydau ifanc. Nod y rhaglen fentora yw cynyddu eu hunan-barch, gan annog newid yn y ffordd y maent yn ystyried eu hunain ac eraill, a’u helpu i ddod o hyd i ffordd ddiogel o fynegi eu hunain.
Yn Nhorfaen a Sir Fynwy, mae mentora a ariennir gan BBC Plant Mewn Angen i fechgyn 11-16 oed yn cael eu hwyluso trwy grŵp bach dros 12 wythnos. Mae’r prosiectau yr ymgymerir â nhw trwy’r sesiynau hyn yn cynnwys gweithdai sgiliau goroesi yn yr awyr agored a gweithgareddau creadigol, fel creu cerddoriaeth a ffilmiau.
Mae’r prosiect grŵp arbennig hwn yn rhoi rhywfaint o amser rhydd o broblemau i bobl ifanc, gydag agwedd sy’n canolbwyntio ar atebion i adeiladu ar eu hunaniaeth a’u paratoi i ddatblygu’n ddynion ifanc caredig a hyderus.
Am gymorth grŵp i fechgyn ym Mlaenau Gwent a Chasnewydd, gweler y dudalen Cymorth Grŵp.
Gallai sesiynau un i un gynnwys mynd i amgueddfeydd, mynd i’r parc, chwarae chwaraeon, coginio gyda’ch gilydd neu unrhyw beth a fydd yn ennyn diddordeb a brwdfrydedd y plentyn.
Mae cyllidebau cyfyngedig yn sicrhau gweithgareddau ystyrlon yn hytrach na phethau drud heb ystyr.
Mae mentoriaid yn gweithio mewn ffordd sy’n canolbwyntio ar atebion i annog y plant i ddod o hyd i’w cryfderau a gwneud newidiadau cadarnhaol
Mae Cymorth i Fenywod Cyfannol, y mentor, y plentyn, a’r rhiant yn gosod tri nod i’r plentyn gweithio tuag atynt.
Mae mentoriaid yn gweithio tuag at ddiweddglo cadarnhaol, sy’n cael ei nodi gan seremoni raddio.
Mae ein mentoriaid yn helpu plant i ddod o hyd i gymhelliant a diddordebau, datblygu sgiliau bywyd a sianelu eu hegni i brosiectau sy’n annog ymdeimlad o gyflawniad personol. Maent yn berson o gysondeb i’r plentyn; rhywun y gallant gael hwyl a rhoi cynnig ar bethau newydd gyda nhw.
Gall mentora cael effaith hirdymor cadarnhaol ar blant, drwy wella:
Hyder
Canolbwyntio
Perthynas â Chymheiriaid
Cynnydd Academaidd
Dealltwriaeth o ganlyniadau eu gweithredodd
o’r plant wedi mynd o gael anawsterau ymddygiad sylweddol (yn yr ystod annormal) i fod heb unrhyw anawsterau ymddygiad arwyddocaol.
o’r plant unrhyw anawsterau ymddygiad ar ddiwedd yr ymyriad (ymhell o fewn yr ystod arferol)
Roedd yn braf cael oedolyn nad oedd yn rhaid i mi ei rannu gyda fy chwiorydd. Roeddwn i’n gallu siarad â nhw am bethau. Byddai’n rhoi cyngor da i mi, fel peidio ag ymladd. Dwi wir ddim yn gwybod pam wnes i ymladd yn yr ysgol. Fe wnaeth fy rhoi mewn trafferth gyda fy athrawon a byddent yn ysgrifennu at fy mam. Mae hi’n dweud fy mod i’n hapusach nawr.
I atgyfeirio i un o’r gwasanaethau hyn, i wneud ymholiad neu i ddysgu rhagor, ffoniwch ni ar 03300 564456 neu e-bostiwch eich swyddfa leol:
Cofrestrwch nawr os hoffech gael y newyddion a’r mewnwelediadau diweddaraf gan Cyfannol!