Am gymorth ar unwaith ar unrhyw adeg, ffioniwch ni ar 03300 564456 (24 awr)
Am gymorth ar unwaith ar unrhyw adeg, ffioniwch ni ar 03300 564456 (24 awr)
Ydych chi eisiau gwneud gwahaniaeth i fenywod a phlant y mae cam-drin domestig a thrais rhywiol yn effeithio arnynt?
Mae Cyfannol yn sefydliad gyda chydraddoldeb, amrywiaeth a chynhwysiant wrth ei galon. Rydym yn croesawu ceisiadau o bob rhan o’r gymuned; menywod a dynion. Serch hynny, anogwn yn arbennig geisiadau gan y rhai sy’n nodi bod ganddynt nodweddion gwarchodedig, gan gynnwys aelodau ein cymuned Pobl Ddu, Asiaidd ac o Leiafrifoedd Ethnig, yn ogystal ag unigolion ag anableddau, sydd ar hyn o bryd yn cael eu tangynrychioli o fewn ein Bwrdd Ymddiriedolwyr.
Ni yw’r sefydliad Cymorth i Fenywod cysylltiedig mwyaf yng Nghymru, yn cwmpasu Blaenau Gwent, Sir Fynwy, Casnewydd, Torfaen ac ardal ehangach Gwent, yn gweithio i roi terfyn ar Drais yn erbyn Menywod, Cam-drin Domestig a Thrais Rhywiol (VAWDASV).
Ein cenhadaeth yw darparu amrywiaeth o wasanaethau sy’n cael eu harwain gan unigolion ac sy’n ystyriol o drawma ledled Gwent, i unrhyw berson, yn enwedig menywod neu blant, sydd wedi profi unrhyw fath o Drais yn erbyn Menywod, Cam-drin Domestig, a Thrais Rhywiol, waeth beth fo’u hanghenion a’r sawl anfantais y maent yn eu hwynebu.
Mae bod yn Ymddiriedolwr yn golygu dod â’ch mewnwelediadau, gweledigaeth a chymorth eich hun i’n sefydliad. Mae gan bawb sgiliau a phrofiadau a allai fod yn ddefnyddiol – sgiliau proffesiynol; profiad uniongyrchol neu anuniongyrchol o gam-drin domestig neu drais rhywiol; neu yn syml adnabod ein hardal yn dda.
Mae bod yn ymddiriedolwr i Cyfannol wedi bod yn brofiad penigamp. Mae’n wych i fod yn rhan o rywbeth sy’n gwneud gwaith mor ffantastig, ac rwyf wedi dysgu llawer yn y ddwy flynedd diwethaf.
sy’n ymrwymedig i sicrhau bod cymorth ar gael i ddioddefwyr a goroeswyr cam-drin domestig a thrais rhywiol, ac sy’n frwdfrydig am hawliau menywod a phlant i fyw a mwynhau eu bywydau mewn amgylchedd diogel.
sy’n credu ac yn cefnogi’r egwyddorion a’r gwerthoedd sydd wrth wraidd gwaith Cymorth i Fenywod Cyfannol.
sydd eisiau bod yn rhan o wasanaeth i fenywod, sy’n delio ag effeithiau cam-drin domestig, trais rhywiol a mathau eraill o drais yn erbyn menywod.
sydd ar gael i fynychu cyfarfodydd yn rheolaidd.*
Mae cyfarfodydd Bwrdd yr Ymddiriedolwyr yn cynnwys cyfarfodydd Bwrdd Llawn a dau gyfarfod is-grŵp, ac mae un ohonynt yn cyfarfod bob mis ar gylch treigl (o 5:30pm tan tua 7:30pm), sy’n golygu bod y rhan fwyaf o Ymddiriedolwyr yn mynychu un cyfarfod dau o bob tri mis. Cynhelir y rhan fwyaf o’r cyfarfodydd hyn o bell ar-lein, er bod cyfarfodydd yn bersonol yn digwydd yn achlysurol.
sy’n fodlon dysgu am y sefydliad a mynychu hyfforddiant a digwyddiadau eraill i gynnal y wybodaeth hon.
sy’n gallu gweithio fel rhan o dîm.
sy’n gallu dysgu gan eraill, yn ogystal â rhannu eu sgiliau eu hunain.
sy’n hyderus, yn gallu mynegi barn, yn ogystal â bod yn fodlon i archwilio gwaith y sefydliad.
sy’n gallu gwrando ar ddadl a chadw at benderfyniad, hyd yn oed os maen nhw’n anghytuno gyda’r canlyniad.
Wneud gwahaniaeth i fenywod a phlant sy’n profi, neu wedi profi o’r blaen, cam-drin domestig a thrais rhywiol
Cymryd rhan mewn rhwydweithiau newydd
Datblygu sgiliau presennol
Ennill sgiliau newydd
Cael mewnwelediadau a phersbectifau unigryw
Mae bod yn rhan o Fwrdd Ymddiriedolwyr Cyfannol yn fraint enfawr ac yn rôl rwy’n ei mwynhau’n fawr. Mae’r tîm yn Cyfannol yn anhygoel ac mae pob un ohonynt wedi’u hymrwymo i wneud gwahaniaeth ym mywydau cynifer o bobl. Rwy’n hynod falch o fod yn Gadeirydd Bwrdd yr Ymddiriedolwyr am flwyddyn arall, gan gefnogi’r gwaith gwych y mae staff yn ei wneud ar gyfer goroeswyr trais rhywiol a domestig mewn rôl sy’n hynod werthfawr.
Cysylltwch â ni i gael sgwrs anffurfiol neu becyn recriwtio
Cofrestrwch nawr os hoffech gael y newyddion a’r mewnwelediadau diweddaraf gan Cyfannol!